Thumbnail

შეცვლილი გენეტიკის მქონე პირველი ბავშვი - რას ირწმუნება ჩინელი მკვლევარი

  • ჩინელმა მეცნიერმა ადამიანის „დე-ენ-ემ“-ი შეცვალა
  • ექსპერტთა ნაწილის თქმით, ექსპერიმენტი ამორალური და არაეთიკურია

ჩინელი მკვლევარის თქმით, მან მსოფლიოს პირველი შეცვლილი გენეტიკის მქონე ტყუპი გოგონების დაბადებაში მიიღო მონაწილეობა. ის ირწმუნება, რომ უახლესი ტექნოლოგიით ტყუპების „დე-ენ-ემ“-ი შეცვალა, თუმცა მისი ნათქვამი ოფიციალურად ჯერ არ დასტურდება.

მეცნიერის თქმით, ექსპერიმენტი ჩინეთში ჩატარდა, რადგან ამერიკაში გენის შეცვლის ყოველგვარი მცდელობა აკრძალულია. ამის მიზეზია ის, რომ გენეტიკური ცვლილებები შესაძლოა მომავალ თაობებსაც გადაეცეს და მსგავსი მოდიფიკაციები სხვა გენების დაზიანებასაც გამოიწვევს. 

ექსპერიმენტის მონაწილე მეცნიერის, He Jiankui-ს თქმით მან შვიდი წყვილის კვერცხუჯრედებში შეიტანა ცვლილებები, მათ შორის კი წარმატებით განაყოფიერდა ერთი. ის ამბობს, რომ ექსპერიმენტის მიზანია არა გენეტიკური დაავადებებისგან ნაყოფის დაცვა, არამედ მისი უნარის გაძლიერება იმასთვის, რომ სამომავლოდ შეებრძოლოს ინფექციებს, მათ შორის შიდსს. 

ბევრი მეცნიერი ფიქრობს, რომ ექსპერიმენტები, რომელსაც ჩინელები ადამიანებზე ატარებენ სახიფათოა. 

"ეს არაკეთილსინდისიერებაა… მსგავსი ექსპერიმენტები ადამიანებზე ვერ იქნება მორალურად და ეთიკურად გამართლებული” - კირან მუსუნურუ, გენეტიკური მოდიფიკაციის ექსპერტი

თუმცა, ექსპერიმენტს დამცველებიც გამოუჩდნენ. ჰარვარდის უნივერსიტეტის პროფესორის, ჯორჯ ჩარჩის თქმით, გენების ამგვარი ცვლილება მომავალი თაობების აივ-ინფექციისგან დასაცავად გამართლებულია. 

ექსპერიმენტის ავტორები თვლიან, რომ მათი საქმიანობა სრულად ჯდება ეთიკის ფარგლებში, თუმცა რამდენად განაგრძობენ ამ მიმართულებით მასშტაბურად მუშაობას, ჯერჯერობით უცნობია. 
 

კომენტარები

ბოლო ამბები