Thumbnail

ტეხასში უსახლკაროებისათვის სახლებს 3D პრინტერით დაბეჭდავენ

  • ოსტინში 3D ტექნოლოგიით 500-ზე მეტ სახლს ააგებენ
  • სახლებს კომპანია Icon დაამზადებს

3D ტექნოლოგია სამშენებლო სფეროში სულ უფრო პოპულარული ხდება. ამის ერთ-ერთი მიზეზად მშენებლობის სიიაფე სახელდება. მსოფლიოს სხვადასხვა რეგიონებში 3D პრინტერით დაბეჭდილი სახლების უბნები ჩნდება, სადაც უსახლკაროებს ასახლებენ. მსგავსი პროექტის განხორციელება ტეხასის შტატის ქალაქ ოსტინში დაიწყო.

პროექტის ავტორი ორგანიზაცია Mobile Loaves & Fishes-ია. გეგმის მიხედვით 20 ჰექტარ ტერიტორიაზე 3D ტექნოლოგიით დამზადებული 500-ზე მეტი სახლი განთავსდება. უახლოეს პერიოდში კომპანია Icon 3D პრინტერ Vulcan-ით  6 სახლს დაამზადებს. აქედან სამს კომპანია ერთდროულად დაბეჭდავს, რაც ხარჯებს კიდევ უფრო შეამცირებს. ექვსივე სახლი ექსპლუატაციაში წლის ბოლომდე შევა.

Icon-მა ოსტინში უკვე დაამზადა პირველი სადემონსტაციო შენობა- დასახლების ვიზიტორთა ცენტრი. 46 კვადრატული მეტრი ნაგებობის დაბეჭდვას 27 საათი დასჭირდა. აღსანიშნავია, რომ კომპანია Icon უსახლკაროებისათვის 3D ტექნოლოგიით სახლებს ლათინური ამერიკის ქვეყნებშიც ამზადებს.

კომენტარები

ბოლო ამბები