Thumbnail

ნახეთ: ბანგლადეშელ ოჯახში უკვე მესამე თაობა თითის ანაბეჭდების გარეშე იბადება

ნინო გიორგობიანი პროფილის ფოტო
ნინო გიორგობიანი

ბანგლადეშის დასავლეთ ნაწილში მდებარე რაჯშაჰის ოლქის ერთ-ერთ სოფელში მცხოვრებ სარკერების ოჯახში მამაკაცების უკვე მესამე თაობა უჩვეულო გენეტიკური დაავადებით იბადება, რომელიც ადერმატოგლიფიის სახელითაა ცნობილი. ეს არის კონკრეტული გენის მუტაციით გამოწვეული იშვიათი სინდრომი, რომლის მქონე ადამიანებსაც თითის ბალიშებზე პაპილარული ხაზები არ უყალიბდებათ და შესაბამისად, უნიკალური ანაბეჭდებიც არ გააჩნიათ.

მეცნიერებმა შექმნეს ხელოვნური კანი, რომელიც ტკივილს გრძნობს

ადერმატოგლიფია პირველად 2007 წელს შეისწავლეს. შვეიცარიელმა დერმატოლოგმა, პიტერ აიტინმა მას "იმიგრაციის შემაყოვნებელი დაავადება" უწოდა, რადგან პაციენტს თითის ანაბეჭდების არქონის გამო ამერიკის შეერთებულ შტატებში შესვლის პრობლემა შეექმნა. სარკერებს უკვე მრავალი წელია მსგავს სიტუაციებთან გამკლავება უწევთ, იქნება ეს პასპორტისა და მართვის მოწმობის აღება თუ სიმ ბარათის შეძენა, თანამედროვე მსოფლიოში, მათ შორის, ბანგლადეშშიც ხომ პიროვნების იდენტიფიცირებისთვის ძირითადად სწორედ ბიომეტრიული მონაცემები გამოიყენება.

უჩვეულო გენეტიკური დაავადების მქონე ოჯახი

ფოტო: BBC

უჩვეულო გენეტიკური დაავადების მქონე ოჯახი

ფოტო: BBC

ფოტო: BBC

უჩვეულო გენეტიკური დაავადების მქონე ოჯახი

ფოტო: BBC

22 წლის აპუ სარკერის განცხადებით, მის მამას, ამალს პასპორტის ასაღებად შესაბამის დაწესებულებაში ჯანმრთელობის მდგომარეობის შესახებ ექიმის მიერ გაცემული ცნობის წარდგენა დასჭირდა. იმავე პრობლემას გადააწყდა ის პირადობის დამადასტურებელი მოწმობის აღების პროცესშიც, თუმცა საბოლოოდ, სანოტარო დაწესებულების თანამშრომლებმა დოკუმენტებზე წარწერის "ანაბეჭდების გარეშე" გაკეთება გადაწყვიტეს.

მეცნიერებმა გენის კორექტირების ახალი ტექნოლოგიით კიბოს უჯრედები გაანადგურეს

რაც შეეხება თავად აპუს, მან მართვის მოწმობის ასაღებად საჭირო გამოცდა წარმატებით ჩააბარა, მაგრამ, ამის მიუხედავად, მძღოლის ლიცენზია ვერ მიიღო. შედეგად, პოლიციამ ის უკვე ორჯერ დააჯარიმა. ბანგლადეშში 2016 წელს მიღებული კანონის თანახმად, აპუს სმარტფონისთვის სიმ ბარათის შესაძენადაც ანაბეჭდების წარდგენა მოსთხოვეს, თუმცა კომპიუტერის სენსორმა მის თითებზე, რა თქმა უნდა, ვერაფერი ამოიკითხა. ამიტომ, ახალგაზრდა მამაკაცს დღემდე დედის სახელზე გაფორმებული ნომრით სარგებლობა უწევს.

ადგილობრივი ექიმის მიერ სარკერების ოჯახის წევრებისთვის დასმული დიაგნოზის თანახმად, მათ ადერმატოგლიფიის ის ფორმა აქვთ, რომლისთვისაც კანის სიმშრალე და ხელის მტევნებისა თუ ფეხის ტერფების ოფლიანობის შემცირებაა დამახასიათებელი. სპეციალისტთა თქმით, დაავადების საბოლოოდ დასადასტურებლად დამატებითი გენეტიკური კვლევების ჩატარებაა საჭირო, რაც მათ იშვიათი ანომალიის გამომწვევი მიზეზის დადგენაში დაეხმარება.

კომენტარები

ბოლო ამბები